Veseli: Dënimi i Ratko Mladiç, ngushëllimi që kanë merituar familjet e mijëra civilëve që u masakruan

15:38 | 22 Nëntor 2017
Arbresh.info

Kreu i Kuvendit të Republikës së Kosovës, Kadri Veseli ka komentuar vendimin që iu dha sot nga Gjykata e Hagës, Ratko Mladiçit.

Ai përmes një statusi në rrjetin social facebook ka thënë se Drejtësia ndërkombëtare, ndonëse me vonesë, konfirmoi sot për gjenocidin që Serbia kreu në Bosnje.

Statui i plotë:

Drejtësia ndërkombëtare, ndonëse me vonesë, konfirmoi sot për gjenocidin që Serbia kreu në Bosnje. Vuajtjet e tmerrshme që ka përjetuar populli në Bosnje nuk shërohen kurrë, por dënimi me burg të përjetshëm i Ratko Mladiç është ngushëllimi që kanë merituar për vite me radhë familjet e mijëra civilëve të pafajshëm që u masakruan. Evropa nuk mund t’i jetësojë idealet e veta për bashkim, liri e barazi mes popujve, pa e vendosur në vend drejtësinë. Dhe, kjo vlen edhe për krimet që i janë bërë popullit tonë gjatë luftës së fundit në Kosovë.

Shpërndaje në rrjete sociale

Lajmet më të lexuara

Të ngjashme

Foto lajm